Líkur á framboði Bjartrar framtíðar í Árborg

„Það eru talsvert góðar líkur á því,“ segir Heiða Kristín Helgadóttir, stjórnarformaður Bjartrar framtíðar, aðspurð um framboð flokksins í sveitarstjórnarkosningum í Árborg í vor.

Flokkurinn hélt kynningarfund á Selfossi fyrir skömmu þar sem ákveðið var að stofna formlegt félag og mynda hóp sem vinna mun að undirbúningi framboðs.

„Við hyggjumst hittast aftur í byrjun mars í þeim tilgangi að halda áfram með málið,“ segir hún. Heiða Kristín segir að í framhaldinu verði leitað eftir áhugasömum einstaklingum til að bjóða sig fram undir merkjum flokksins. Engin nöfn hafa verið nefnd í því sambandi ennþá.