Á sjöunda tímanum í kvöld barst Neyðarlínunni tilkynning um meðvitundarlausan einstakling við Háafoss í Þjórsárdal.
Allar björgunarsveitir í Árnessýslu ásamt straumvatnsbjörgunarhópum af höfuðborgarsvæðinu voru kallaðar út kl. 18:44 á hæsta forgangi, ásamt sjúkraflutningum HSU og þyrlu Landhelgisgæslunnar.
Einstaklingurinn var látinn þegar að var komið og hífði þyrla Landhelgisgæslunnar hann upp úr gljúfrinu og flutti hann á Selfoss.
Líkfundurinn er á borði lögreglunnar á Suðurlandi sem gefur ekki fleiri upplýsingar um málið að svo stöddu.