Björgunarsveitarmenn Landsbjargar sem fóru til leitar í og við Bleiksárgljúfur í Fljótshlíð í gærkvöldi, fundu lík konu fremst í gljúfrinu.
Talið er að líkið sé af Ástu Stefánsdóttur sem leitað hefur verið að síðan 10. júní sl. en þann dag fannst lík sambýliskonu hennar, Pino De Los Angeles Becerra Bolanos ofar í gljúfrinu.
Lögregla mun áfram vinna að rannsókn málsins en frekari upplýsingar um það verða ekki gefnar að svo stöddu.
Lögregla og fjölskyldur kvennanna þakka björgunarsveitarmönnum og öðrum þeim sem aðstoðað hafa við leit undanfarinn mánuð óeigingjarnt starf sitt.