Lið ML í 2. sæti í Stjórnunarkeppni framhaldsskólanna

Lið ML ásamt þeim Hrefnu S. Briem, forstöðumanni grunnnáms við viðskiptadeild HR og Gijs van Duijn frá Edumundo. Ljósmynd/ru.is

Lið Menntaskólans að Laugarvatni varð í 2. sæti í Stjórnunarkeppni framhaldsskólanna, sem haldin var á dögunum.

Í keppninni keppa þriggja til fjögurra manna lið í að stýra fyrirtæki í ákveðinn tíma með sem bestum árangri. Keppnin er haldin á vegum viðskiptadeildar Háskólans í Reykjavík og er markmiðið að vekja áhuga ungs fólks á góðri og ábyrgri stjórnun. Keppnin er byggð á Edumundo-herminum sem er vel þekktur og var keppnin í ár fólgin í því að stýra fyrirtæki yfir nokkurra ára tímabil sem var í útflutningi á reiðhjólum og verkefnið var að koma þeim inn á fleiri markaði.

Sextán lið tóku þátt en sigurvegarar voru blandað lið MH, MR og MS. ML varð í 2. sæti og lið frá MH í 3. sæti.

Liðið ML var skipað  þeim Kristjáni Bjarni R. Indriðassyni, Sindra Bernholt, Ingu Rós Sveinsdóttur og Sigríði Maríu Jónsdóttur. Liðið hlaut að verðlaunum gjafakort í Reykjavík Escape.