Maðurinn sem féll í Ölfusá síðdegis á laugardag var fluttur með þyrlu á slysadeild Landspítalans, þar sem hann var úrskurðaður látinn.
Lögreglan fékk tilkynningu um klukkan 16 á laugardag að maður væri í ánni og fór lögregla á vettvang ásamt björgunarsveitum og þyrlu Landhelgisgæslunnar.
Áhöfn þyrlunnar fann manninn neðan við flúðirnar vestan við Selfosskirkju og var hann hífður um borð í þyrluna og fluttur á sjúkrahús.
Lögreglan á Suðurlandi fer með rannsókn málsins og mun ekki gefa frekari upplýsingar.