Lögregla, sjúkraflutningar og björgunarsveitir í Árnessýslu voru kallaðar til á sjöunda tímanum í kvöld eftir að tilkynnt var um mann sem hafði setið fastur í vatni úti á mýri.
Í tilkynningu frá lögreglunni segir að maðurinn hafi sjálfur kallað eftir aðstoð en mikið hafði dregið af honum þegar komið var að honum og missti hann meðvitund fljótt eftir að fyrsti maður kom að honum.
Endurlífgunartilraunir báru ekki árangur og var hann úrskurðaður látinn við komu á Heilbrigðisstofnun Suðurlands.
Dánarorsök er ekki vituð að svo stöddu, en lögreglan á Suðurlandi er með málið til rannsóknar.