Leó Snær vann spjaldtölvu

Þó að talsvert sé liðið frá Forvarnardegi forseta Íslands þá voru afhent verðlaun í netratleik verkefnisins fyrir skömmu á Bessastöðum.

Þrjú ungmenni urðu hlutskörpust í leiknum og fengu spjaldtölvu í verðlaun ásamt viðurkenningarskjali frá forsetaembættinu. Einn vinningshafana var Leó Snær Róbertsson í 9. bekk Vallaskóla á Selfossi.

Að Forvarnardeginum standa forseti Íslands, Samband íslenskra sveitarfélaga, Reykjavíkurborg, UMFÍ, Skátarnir, HÍ og HR ásamt ÍSÍ. Stuðningsaðili verkefnisins er lyfjafyrirtækið Actavis.

Fulltrúar þessara stofnanna og félagasamtaka mættu á Bessastaði ásamt verðlaunahöfum og fjölskyldum þeirra. Eftir verðlaunaafhendingu var boðið upp á kaffi og með því.