Leitað við Þingvallavatn

Björgunarsveitarfólk á vettvangi við Þingvallavatn. Ljósmynd/Landsbjörg

Á fimmta tímanum í dag voru björgunarsveitir kallaðar út til leitar á Þingvallavatni eftir að tilkynnt var um hlut á floti í vatninu.

Þyrla Landhelgisgæslunnar flaug yfir svæðið og sást þá bátur á floti og við nánari skoðun kom í ljós að hann var mannlaus.

Í kringum 50 manns eru við leit á svæðinu núna, frá björgunarsveitum í Árnessýslu, Brunavörnum Árnessýslu og sjúkraflutningum. Óskað hefur verið eftir stærri bátum úr Reykjavík og einnig er leitarhundur að störfum við vatnið.