Mikill viðbúnaður er í Reynisfjöru í Mýrdal þar sem björgunarsveitir leita nú að manneskju sem lenti í sjónum.
Vísir greinir frá þessu og hefur eftir Davíð Má Bjarnasyni upplýsingafulltrúa Landsbjargar, að rétt fyrir þrjú hafi borist tilkynning um að maður hafi lent í sjónum.
Strax hafi fjölmennt lið björgunarsveita verið kallað út. Þá er björgunarbátur úr Vestmannaeyjum á leið á svæðið ásamt fleiri viðbragðsaðilum.