Lögreglan á Suðurlandi fékk tilkynningu um klukkan 19 í kvöld um manneskju sem fallið hafði í Ölfusá. Lögregla, sjúkralið, björgunarsveitir og þyrla Landhelgisgæslunnar brugðust við á hæsta forgangi.
Viðkomandi fannst neðar í ánni eftir stutta leit og var bjargað á land. Þyrla Landhelgisgæslunnar lenti á Selfossflugvelli um klukkan 20:15 í kvöld og flutti viðkomandi til aðhlynningar á neyðarmóttöku Landspítala háskólasjúkrahús í Reykjavík.
Í tilkynningu frá lögreglunni á Suðurlandi kemur fram að ekki verði veittar frekari upplýsingar um líðan viðkomandi.