Leitað fram á nótt í Fljótshlíð

Um 170 manns frá björgunarsveitum á Suður- og Suðvesturlandi hafa í kvöld leitað að konu sem saknað er í Fljótshlíð. Leitin hefur enn engan árangur borið.

Í dag bættust fisflugvélar við bjargir sem þegar voru á svæðinu sem og kafarar frá Ríkislögreglustjóra.

Búið er að stækka leitarsvæðið í kringum Bleiksárgljúfur og verður unnið fram á nótt til að ljúka yfirferð um það.

Staðan verður svo endurmetin í fyrramálið og ætti ákvörðun um áframhald leitarinnar að liggja fyrir um hádegisbil.