Björgunarsveitir af Suðurlandi og lögregla hófu leit á ný klukkan 9 í morgun að konu sem saknað er síðan á föstudag, þann 20. desember síðastliðinn.
Leitað var fram á kvöld í gærkvöld og ákveðið að leita áfram í dag. Leitarsvæðið er strandlengjan frá Þorlákshöfn að Skaftá, en talið er að konan hafi fallið í sjóinn við Dyrhólaey á föstudag.
Leitað verður í dag fram til klukkan 15 og mun þyrla Landhelgisgæslunnar aðstoða við leitina.
Lokað í Dyrhólaey fram eftir degi
Lögreglan á Suðurlandi vill koma því á framfæri að lokun hefur verið sett á Dyrhólahey á meðan leit stendur yfir í og við eynna. Umferð verður hleypt á eynna um leið og leit lýkur í dag.