Vegagerðin leggur til að stakt gjald fyrir ferð yfir nýju Ölfusárbrúna verði 495 krónur, miðað við verðlag í október 2028 þegar stefnt er að opnun brúarinnar.
Þetta kemur fram í stöðuskýrslu Vegagerðarinnar á vef Alþingis.
Þar er lagt til að stök ferð fyrir fólksbíl kosti 495 krónur, tíu skipta kort 4.100 krónur, 40 skipta kort 12.000 krónur og 100 skipta kort 25.000 krónur.
Þyngri ökutæki, frá 2, til 7,5 tonn greiði 800 krónur fyrir staka ferð og ökutæki yfir 7,5 tonnum greiði 1.700 krónur fyrir staka ferð.
Umferðarspá um nýju brúna með gjaldtöku er um 6.500 bílar árið 2028 og um 9.000 árið 2040.
Árið 2023 var dagleg umferð yfir Ölfusá að meðaltali 14.500 bílar en áætlað er að um 60% vegfarenda muni nýta gömlu brúna áfram eftir að sú nýja opnar.