Sogið er rómað fyrir fegurð og stórfiska. Veiðidagur Alviðru verður laugardaginn 15. ágúst næstkomandi en þá bjóða Alviðrunefnd og veiðifélagið Starir fólki með veiðiáhuga að fræðast og veiða ókeypis í Soginu.
Mæting er við Alviðrubæ kl. 14. Sagt verður frá veiðum í Soginu, skipt í hópa og tryggt að allir veiði á helstu veiðistöðum. Leiðsögumaður frá Störum ráðleggur veiðimönnum, veitt verður á flugu en laxi sleppt.
Dagskránni lýkur um kl. 17:00 en þá verða kakó, kaffi og kleinur í boði í Alviðru.
Allir eru velkomnir en nauðsynlegt er að tilkynna nöfn veiðimanna í tölvupósti á s@sigurdurarni.is. Þau sem fyrst skrá þátttöku ganga fyrir ef mikill fjöldi vill veiða.