Landstólpi bauð lægst í umhleðsluhús

Í dag voru opnuð tilboð í byggingu umhleðsluhúss Sorpstöðvar Rangárvallasýslu bs. á Strönd. Landstólpi átti tvö lægstu tilboðin í verkið.

Alls bárust níu tilboð í verkið frá fjórum verktökum. Ágúst Ingi Ólafsson, formaður stjórnar sorpstöðvarinnar, stjórnaði fundinum og las upp tilboðin. Ágúst Ingi kynnti einnig kostnaðaráætlun Mannvits sem hljóðaði upp á 125 milljónir króna.

Lægsta tilboðið átti Landstólpi, tæpar 101 milljón króna og Landstólpi átti einnig næstlægsta tilboðið upp á tæpar 104 milljónir króna.

Tilboðin sem bárust:

Landstólpi kr. 100.866.860

Landstólpi kr. 103.866.860

Jáverk ehf. kr. 112.422.498

Jáverk ehf. kr. 112.705.226

Jáverk ehf. kr. 116.688.718

Vörðufell ehf. kr. 118.177.025

Smíðandi ehf. kr. 118.871.193

Smíðandi ehf kr. 124.371.193

Sveinn Sigurðsson kr. 125.300.000