Landsmót Fornbílaklúbbs Íslands var sett í kvöld við Gesthús á Selfossi. Dagskráin er með hefðbundnu sniði en hún hófst með hópaksti um Selfossbæ í kvöld.
Um eitthundrað bílar óku í bílalest um Selfoss og inn á Gesthúsasvæðið en annað eins af bílum mun bætast við í fyrramálið.
Á milli klukkan 13 og 18 á laugardag verður bílasýning á Gesthúsasvæðinu en einnig verður varahluta- og handverksmarkaður, skottmarkaður úr bílum og keppni á fjarstýrðum bílum.
Á sunnudag verða bílaleikir og þrautir á Gesthúsasvæðinu ef veður leyfir.
Hér að neðan eru nokkrir glæsivagnar sem verða til sýnis á Selfossi um helgina.
Chevrolet Chevelle Malibu árgerð 1976.
Chevrolet Bel Air árgerð 1955.
Cadillac Deville árgerð 1965.
Pontiac Firebird árgerð 1977.
Plymouth Fury árgerð 1958.
Volvo 142 árgerð 1971. Áður í eigu Dags Dagssonar, kaupmanns á Selfossi.
Cadillac Eldorado árgerð 1983.
Trabant 601 árgerð 1986.
Chevrolet árgerð 1941 í eigu Byggðasafns Árnesinga. Fyrrum slökkvibifreið í Eyrarbakkahreppi.
Dodge Luxury Liner árgerð 1939 í eigu Einars Elíassonar á Selfossi. Aftar er De Soto árgerð 1947 í eigu Þórðar Þorsteinssonar á Selfossi.
Hudson árgerð 1948. Fyrir aftan hann er Ford Galaxie árgerð 1959.
Chevrolet Camaro árgerð 1979 í eigu Gunnlaugs V. Sigurðssonar á Selfossi.
Myndir: sunnlenska.is/Guðmundur Karl