L-listinn í Hrunamannahreppi býður fram í annað skiptið í sveitarstjórnarkosningunum í vor. Listinn samanstendur af einstaklingum með fjölbreytta reynslu og bakgrunn.
Daði Geir Samúelsson, verkfræðingur og sveitarstjórnarfulltrúi, er oddviti listans, í 2. sæti er Rakel Ósk Kristófersdóttir, verslunarstjóri og 3. sætið skipar Hjalti Sigurðsson, aðstoðarvarðstjóri.
Í tilkynningu frá framboðinu segir að hópurinn sé tilbúinn til að leggja sitt lóð á vogarskálarnar til að gera gott samfélag enn betra. Stefnumálin
eru í fullri vinnslu og verða kynnt innan skamms.
Listinn er þannig skipaður:
1. Daði Geir Samúelsson, verkfræðingur og sveitarstjórnarfulltrúi
2. Rakel Ósk Kristófersdóttir, BS í líflæknisfræði og verslunarstjóri
3. Hjalti Sigurðsson, aðstoðarvarðstjóri
4. Margrét Sævarsdóttir, kennari
5. Þórmundur Smári Hilmarsson, rafvirki
6. Katarína Sand, dýralæknir
7. Damian Józefik, þjónn
8. Lilja Helgadóttir, viðskiptafræðingur og sjúkraliði
9. Davíð Logi Ingvarsson, meistari í vélvirkjun
10. Stefán Guðmundur Arngrímsson, skipstjóri