EP Power Minerals Iceland ehf. boðar til kynningarfundar í samkomuhúsinu Tunguseli í Skaftártungu þriðjudaginn 21. apríl kl. 20.
Þar verða kynnt fyrirhuguð áform um útflutning á sandi um nýja bryggju við Alviðruhamra á austanverðum Mýrdalssandi. Farið verður yfir stöðu verkefnisins, niðurstöður rannsókna og hvað er framundan og eru allir áhugasamir velkomnir á fundinn.
Fyrirhuguð bryggja er er um 12 km vestan við ósa Kúðafljóts og suðvestan við Álftaver. Gert er ráð fyrir langri og mjórri rörabryggju sem nær 2 kílómetra út í sjó og um 200 metra löngum viðlegukanti við enda hennar. Utan við bryggjuna þarf svo að gera um 1 km langan brimvarnargarð til að skýla fyrir öldugangi, en svæðið er fyrir opnu hafi.
Að bryggjunni verður vegur yfir sandinn frá efnistökusvæði á Háöldu við Hafursey en með styttri flutningsleið og sérhannaðri bryggju er talið hægt að auka vinnslugetuna umtalsvert og flytja út allt að 5 milljónir tonna árlega, jafnvel meira.
Umhverfismat framkvæmdarinnar í Skipulagsgátt