Framkvæmdasýslan – Ríkiseignir boðar til kynningarfundar um lokað alútboð byggingar 22 rýma hjúkrunarheimilis í Hveragerðisbæ, sem haldinn verður á Hótel Örk miðvikudaginn 9. nóvember kl. 15:00.
FSRE, Heilbrigðisráðuneytið og Hveragerðisbær hafa auglýst eftir umsóknum aðalverktaka um þátttökurétt í lokuðu alútboði á fullnaðarhönnun og byggingu 22 rýma hjúkrunarheimilis andspænis núverandi dvalar- og hjúkrunarheimilinu ÁS við Hverahlíð 19 í Hveragerði. Um að ræða forval, þar sem aðilar verða valdir með tilliti til hæfi og reynslu. Leitað er að aðilum, sem geta tekið að sér að hanna og byggja 22 rýma hjúkrunarheimili fyrir fasta fjárhæð samkvæmt alútboðsaðferð.
Á fundinum mun Hildur Georgsdóttir, aðallögfræðingur FSRE, kynna alútboðsformið og Ólafur Daníelsson deildarstjóri sérhæfðs húsnæðis hjá FSRE kynna verkefnið. Að því loknu verður opnað fyrir spurningar úr sal. Kaffiveitingar verða á boðstólum og áætlað er að fundurinn verði einnar klukkustundar langur.
Skráning á fundinn er hér fyrir neðan.