Minningarsjóður Jennýjar Lilju afhenti í dag Björgunarsveitinni Kyndli á Kirkjubæjarklaustri þrjú loftdýnusett sem auðvelda sveitinni störf á vettvangi.
Eftir hörmulegt umferðarslys við Núpsvötn þann 27. desember síðastliðinn þar sem þrír létust birtist viðtal við einn liðsmann Kyndils og kom þar fram að björgunarsveitum á svæðinu vantaði betri búnað til að bregðast við alvarlegum slysum sem þessu.
Minningarsjóður Jennýjar Lilju svaraði ákalli björgunarsveitarinnar og var ósk sveitarinnar að geta bætt þremur settum af loftdýnum við tækjakost sinn.
Þessi sett eru frá Germa AB og eru dýnurnar hannaðar til að tryggja hámarks stöðugleika á ferð fyrir slasaða sjúklinga.Eitt af markmiðum Minningarsjóðs Jennýjar Lilju er að styrkja viðbragðsaðila við tækjakaup en helsta fjáröflunarleið minningarsjóðsins er áheitasöfnun í Reykjavíkurmaraþoni Íslandsbanka. Nú í ár hleypur hópur fólks fyrir sjóðinn og safnar áheitum.