Nýverið var tekið í notkun viðtalsherbergi á Heilbrigðisstofnun Suðurlands í Laugarási og mættu fulltrúar frá Kvenfélagi Grímsneshrepps og færðu HSU húsgögn í herbergið, stóla og borð.
Það voru þær Elín Lára Sigurðardóttir, Ingibjörg K. Ingadóttir og Sigríður Björnsdóttir sem komu fyrir hönd Kvenfélagsins og afhentu Önnu Ipsen Hjúkrunarstjóra í Laugarási gjöfina.
Heilbrigðisstofnun Suðurlands færir Kvenfélagi Grímsneshrepps innilegar þakkir fyrir gjöfina og þann góða hug sem að baki býr.