Kvenfélag Biskupstungna færði á dögunum heilsugæslunni í Laugarási nýjan eyrnaþrýstingsmæli að verðmæti rúmlega 715 þúsund krónur.
Tækið kemur í stað eldra tækis, sem komin var tími á að endurnýja. Gaman er að geta þess að sama félag gaf það tæki fyrir um tuttugu árum.
Í tilkynningu frá Heilbrigðisstofnun Suðurlands er þakkað fyrir höfðinglega gjöf og þann hlýhug sem henni fylgir. Hún sé mikil hvatning og styrkur fyrir starfsmenn í sínum störfum.