Kveikt á jólaljósunum í Árborg á fimmtudaginn

Nú þegar jólamánuðurinn nálgast og myrkrið varir lengur er svo sannarlega komin tími til að kveikja á jólaljósunum.

Jólaljósin í Sveitarfélaginu Árborg verða tendruð fimmtudaginn 17. nóvember kl. 18:00 með hefðbundnum hætti á tröppunum fyrir framan Bókasafnið á Selfossi.

Stutt hátíðardagskrá hefst kl. 17:40 með ávarpi Ástu Stefánsdóttur, bæjarstjóra, tónlistaratriði frá Magnúsi Kjartani Eyjólfssyni og söng barna- og unglingakórs Selfosskirkju. Félagar úr Skátafélaginu Fossbúum verða á staðnum og gefa heitt kakó.

Hefð er fyrir því að yngsta afmælisbarn dagsins sem búsett er í Árborg kveiki á jólaljósunum. Það er Kolbrún Skúladóttir sem verður 4 ára þennan dag og mun hún aðstoða starfsmenn sveitarfélagsins við að kveikja á ljósunum.