Kristín Viðja í hópi tíu efstu í Nótunni

Kristín Viðja Vernharðsdóttir úr Tónlistarskóla Árnesinga, var í hópi tíu efstu flytjenda á lokatónleikum Nótunnar í Hörpu 2. apríl. Alls kepptu 24 atriði kepptu um Nótuna.

Flytjendur komu alls staðar að af landinu, dagskrá tónleikanna var mjög fjölbreytt og skemmtileg og flytjendur, stórir sem smáir, stóðu sig einstaklega vel.

Alls kepptu 24 atriði kepptu um Nótuna, en tíu atriði fengu sérstaka viðurkenningu fyrir framúrskarandi flutning, þar á meðal Kristín Viðja fyrir flutning sinn á sónötu eftir Händel, við undirleik Einars Bjarts Egilssonar.

Þau tíu atriði sem fengu sérstaka viðurkenningu voru flutt aftur og tók Ríkussjónvarpið upp þann hluta Nótunnar.

Handhafi Nótunnar í ár var Anya Hrund Shaddock úr Tónlistarskóla Fáskrúðsfjarðar og Stöðvarfjarðar, en hún lék Clair de lune eftir Claude Debussy, undurfallega á píanó.