Ævar Þór Benediktsson rithöfundur, betur þekktur sem Ævar vísindamaður kíkti í heimsókn á bókasafn Ölfuss í síðustu viku.
Hann las úr tveimur bókum, Vélmennaárásinni sem kom út fyrr á þessu ári og Þín eigin hrollvekja sem kemur út seinna á þessu ári.
Það var fjölmennt á bókasafninu og skemmtu allir sér konunglega við að hlusta á Ævar og spjalla við hann.
Ævar hefur staðið fyrir lestrarátaki síðastliðna tvo vetur þar sem krakkar á grunnskólaaldri keppast um að lesa eins margar bækur og mögulegt er og verðlaunin eru að fá að vera persóna í næstu bók Ævars. Næsta lestrarátak hefst eftir áramót og það munu vera upplýsingar um það á bókasafninu þegar nær dregur.
Í sumar var lestrarátak á bókasafni Ölfuss fyrir börn á grunnskólaaldri sem nefnist Sumarlestur. Það voru margir sem tóku þátt og voru veittar viðurkenningar til allra sem tóku þátt og þeirra sem lásu mest í sínum bekk.
Þeir sem lásu mest í sínum bekk voru:
Á leið í 1. bekk – Sigurður Logi Sigurðsson
1. bekkur – Sæunn Jóhanna Þórsdóttir
2. bekkur – Guðmundur Benedikt Garðarsson
3. bekkur – Emil Hrafn Þórsson
4. bekkur – Tara Dís Sigfúsdóttir
5. bekkur – Anna Laufey Gestsdóttir
6. bekkur – Rebekka Matthíasdóttir
7. bekkur – Þrúður Sóley Guðnadóttir