Kosning er hafin á Sunnlendingi ársins 2015. Sunnlenska.is og Suðurland FM standa að kosningunni í samstarfi við Krónuna.
Árið er senn á enda og á síðustu mánuðum hafa margir Sunnlendingar unnið stór og smá afrek sem vakið hafa athygli og aðdáun.
Í fyrra var það Dagný Brynjarsdóttir, knattspyrnukona frá Hellu, sem sigraði í kosningunni en hún var fyrirliði FSU Seminoles sem varð bandarískur háskólameistari í knattspyrnu. Auk þess átti Dagný frábært ár með íslenska landsliðinu og kvennaliði Selfoss í Pepsi-deildinni.
Kosningunni lýkur þriðjudagskvöldið 29. desember kl. 20:15 en niðurstaða kosningarinnar verður tilkynnt í áramótaþætti Suðurland FM á gamlársdag.
UPPFÆRT: Kosningunni er lokið og þökkum við fyrir góða þátttöku. Sunnlendingur ársins 2015 er Björgvin Karl.
Fyrri Sunnlendingar ársins:
2014 Dagný Brynjarsdóttir, knattspyrnukona á Hellu Valin af lesendum sunnlenska.is
2013 Siggeir Ingólfsson, Staðarhaldari á Eyrarbakka Valinn af lesendum Sunnlenska fréttablaðsins og sunnlenska.is
2012 Jóhanna Bríet Helgadóttir, móðir á Selfossi Valin af lesendum Sunnlenska fréttablaðsins og sunnlenska.is
2011 Olga Bjarnadóttir, fimleikaþjálfari og kennari á Selfossi Valin af lesendum Sunnlenska fréttablaðsins og sunnlenska.is
2010 Kjartan Þorkelsson, sýslumaður á Hvolsvelli Valinn af lesendum Sunnlenska fréttablaðsins og sunnlenska.is
2009 Hrönn Arnardóttir og Stefán Pétursson, sjúkraflutningamenn Valin af hlustendum Suðurland FM
2008 Jón Eiríksson, bóndi og fræðimaður í Vorsabæ Valinn af lesendum Sunnlenska fréttablaðsins
2007 Ekki valinn
2006 Ekki valinn
2005 Gunnar Egilsson, Suðurpólfari á Selfossi Valinn af lesendum Sunnlenska fréttablaðsins og sudurland.is