Kosning hafin á Sunnlendingi ársins 2014

sunnlenska.is/Guðmundur Karl

Kosning er hafin á Sunnlendingi ársins 2014. Árið er senn á enda og á síðustu mánuðum hafa margir Sunnlendingar unnið stór og smá afrek sem vöktu athygli og aðdáun.

Í fyrra var það Siggeir Ingólfsson, Staðarhaldari á Eyrarbakka, sem sigraði í kosningunni eftir að hafa meðal annars lyft grettistaki í aðgengismálum fatlaðra við sjóvarnargarðinn á Eyrarbakka.

Kosningunni lýkur mánudagskvöldið 29. desember en niðurstaða kosningarinnar verður tilkynnt í áramótaþætti Suðurland FM á gamlársdag.

Smellið HÉR til þess að kjósa.

Fyrri Sunnlendingar ársins:
2013 Siggeir Ingólfsson, Staðarhaldari á Eyrarbakka Valinn af lesendum Sunnlenska fréttablaðsins og sunnlenska.is
2012 Jóhanna Bríet Helgadóttir, móðir á Selfossi Valin af lesendum Sunnlenska fréttablaðsins og sunnlenska.is
2011 Olga Bjarnadóttir, fimleikaþjálfari og kennari á Selfossi Valin af lesendum Sunnlenska fréttablaðsins og sunnlenska.is
2010 Kjartan Þorkelsson, sýslumaður á Hvolsvelli Valinn af lesendum Sunnlenska fréttablaðsins og sunnlenska.is
2009 Ekki valinn
2008 Jón Eiríksson, bóndi og fræðimaður í Vorsabæ Valinn af lesendum Sunnlenska fréttablaðsins
2007 Ekki valinn
2006 Ekki valinn
2005 Gunnar Egilsson, Suðurpólfari á Selfossi Valinn af lesendum Sunnlenska fréttablaðsins og sudurland.is

UPPFÆRT:
Kosningakerfið var að stríða okkur í upphafi en það er nú komið í lag og kjörkassarnir verða opnir fram á annan dag jóla.