Konan sem fannst meðvitundarlaus í tjaldi á tjaldsvæði í Biskupstungum síðastliðinn laugardag lést á gjörgæslu Landspítalans síðastliðinn fimmtudag.
Þetta kemur fram í tilkynningu frá lögreglunni á Suðurlandi, sem hefur málið til rannsóknar.
Lögreglan fékk tilkynningu um hádegisbil á laugardag að karl og kona, hefðu fundist meðvitundarlaus í tjaldi á tjaldsvæðinu. Maðurinn var úrskurðaður látinn á vettvangi en konan var flutt þungt haldin á gjörgæsludeild.
Samkvæmt upplýsingum frá lögreglunni á Suðurlandi er málið sé rannsakað sem slys og er meðal annars til skoðunar hvort um gaseitrun hafi verið að ræða.