Komið í veg fyrir umhverfisspjöll við Gullfoss

Umhverfisstofnun brást í síðustu viku við ófremdarástandi sem skapaðist á gönguleið við Gullfoss þegar mikil vætutíð og umferð ferðamanna leiddi til þess að hluti göngustíga við fossinn breyttist í drullusvað.

Búið er að aka sex vörubílshlössum af harpaðri möl í stígana og verja umhverfið eins vel í bili og kostur er, að sögn Lárusar Kjartanssonar sérfræðings hjá Umhverfisstofnun, en hann hafði eftirlit með framkvæmdunum.