„Nágranni minn sendi mér þessar myndir og spurði hvort það væri ekki allt í góðu hjá okkur,“ sagði Óskar Ingvi Sigurðsson, stórbóndi á Bóli í Biskupstungum, en Ból er bærinn á myndinni hérna fyrir ofan.
Gríðarlegt þrumuveður var í uppsveitum Árnessýslu í dag.
„Það lék allt á reiðiskjálfi hérna. Kofinn nötraði þegar verst lét og síðan kom mikið skýfall en nú er sólin mætt aftur hjá okkur,“ sagði Óskar Ingvi léttur.
