Koddaslagur og kassaklifur á Stokkseyri

Fjölbreytt dagskrá verður á sjómannadaginn á Stokkseyri. Björgunarfélag Árborgar hefur umsjón með hátíðinni.

Klukkan 11:00 verður hátíðarguðsþjónusta í Stokkseyrarkirkju og í lok hennar verður blómsveigur lagður að minnisvarða um drukknaða sjómenn.

Eftir hádegi verður skemmtidagskrá á íþróttavellinum og við höfnina. Kl. 13:30 verður kassaklifur, reiptog og hjólböruratleikur á íþróttavellinum en við höfnina verður koddaslagur og skemmtisigling.

Kl. 14:30 verður svo sjómannadagskaffi í barnaskólanum á Stokkseyri.