Kirkjubekkjaenglar gæta kirkjugesta

Á síðasta sóknarnefndarfundi vakti séra Axel Árnason, prestur í Selfosskirkju, athygli sóknarnefndar á hættu sem stafar af kirkjubekkjunum í Selfosskirkju.

„Málið er að þyngdarpunkturinn á þeim færist framar þegar litlir kroppar tylla sér á þá og þeir geta þá fallið yfir börnin. Þetta er einfalt að prufa. Ég er í raun hissa á að þetta skuli ekki hafi gerst á þeim 60 árum tæpum sem þeir hafa staðið í kirkjunni og alveg ljóst að svokallaðir kirkjubekkjaenglar hafi haft hendur á þeim,“ segir Axel í samtali við Sunnlenska.

„Ég vildi vekja máls á þessu því þetta gæti orðið hið versta mál því þetta eru þungir bekkir. Það gæti verið nóg að lengja fótstykkið út fyrir sessuna,“ bætir séra Axel við.