Knattspyrnufélag Rangæinga hlýtur jafnréttisverðlaun Knattspyrnusambands Íslands fyrir árið 2025. Viðurkenningin er veitt í aðdraganda ársþings KSÍ sem fram fer á Egilsstöðum um helgina.
Árið 2018 stofnaði KFR meistaraflokk kvenna og hóf þar með markvissa vinnu að því að koma í veg fyrir brottfall hjá stelpum eftir grunnskóla. Boðið er upp á æfingar fyrir 2. flokk og eldri, leikmönnum að kostnaðarlausu.
Með þessu verkefni hefur tekist að halda uppi æfingum fyrir þennan aldur og hafa þær m.a. tekið þátt í Íslandsmótinu í Futsal og eru nú skráðar til leiks í 2. deild kvenna í sumar.