Kerru og setlaug stolið

Aðfaranótt miðvikudagsins 11. maí síðastliðinn var kerru með setlaug stolið þar sem hún var við verkstæði Smíðanda að Eyravegi 55 á Selfossi.

Í botni kerrunar var sólpallaefni en á hliðum brúnn krossviður. Setlaugin var 2000 lítra frá Norma.

Þeir sem veitt geta upplýsingar um þennan þjófnað eru beðnir að hafa samband við lögregluna á Selfossi í síma 480 1010.

Annars var síðsta vika og helgin róleg hjá Selfosslögreglunni að því er fram kemur í dagbók hennar.