Kaupa sessur í skólabílana

Flóahreppur hefur samþykkt að kaupa sessur í skólabíla hreppsins fyrir alla nemendur í 1. og 2. bekk Flóaskóla.

Er þetta gert til að auka öryggi yngstu nemendanna á leið sinni í og úr skóla.

Skólabílstjórar, skólastjóri, oddviti og formaður fræðslunefndar stilltu sér upp til myndatöku til að fagna þessum áfanga í bættum öryggismálum grunnskólabarna Flóaskóla.

Á myndinni eru frá vinstri Sigurður Ingi Sigurðsson skólabílstjóri, Aðalsteinn Sveinsson oddviti, Guðmundur Freyr Sveinsson skólastjóri, Guðmundur Sigurðsson skólabílstjóri, Kristján Einarsson skólabílstjóri, Guðrún Jónsdóttir skólabílstjóri, Sigurður Ólafsson skólabílstjóri, Margrét Sigurðardóttir sveitarstjóri og Elín Höskuldsdóttir formaður fræðslunefndar.