Nokkrir jarðskjálftar í kringum 3 að stærð hafa orðið í Kötluöskjunni í Mýrdalsjökli í kvöld. Sá stærsti, af stærðinni 3,0, varð klukkan 21:44 austast í öskjunni.
Bjarki Kaldalóns Friis, náttúruvársérfræðingur á Veðurstofu Íslands, segir í samtali við Ríkisútvarpið að minni skjálftar hafi fylgt í kjölfarið.
Jarðhiti hefur einnig lekið í Múlakvísl síðan í gær en hlaup er ekki hafið. Bjarki segir að vel sé fylgst með þróuninni og engin merki séu um gosóróa.