Sænska tískuvöruverslunin Kappahl opnar dyr sínar á Selfossi seinni hluta marsmánaðar. Af því tilefni býður Kappahl öllum krökkum, foreldrum, ömmum, öfum og öðrum í bíó á bíómyndina Hopparar sunnudaginn 15. mars, klukkan 14:50 í Bíóhúsinu á Selfossi.
Jóna Alla Axelsdóttir, hjá Kappahl á Íslandi, segir í samtali við sunnlenska.is að þau eigi von á mikilli stemningu á sunnudaginn.
„Á staðnum verður lukkuhjól og allir gestir fá varning frá Kappahl og popp með myndinni. Það er greinilega mikill áhugi fyrir þessu en það eru takmörkuð sæti svo við höfum opnað fyrir það að fólk geti tryggt sér miða. Það er gert á heimasíðu Bíóhússins. Fólki er velkomið að mæta án miða á sunnudaginn ef það verður ekki orðið „uppselt“, en við viljum bara ekki lenda í því að þurfa að vísa fólki frá vegna þess að það sé orðið yfirfullt.“
Verslunin á Selfossi ein sú flottasta
Kappahl mun opna að Larsenstræti 5 á Selfossi, 21. mars næstkomandi, þar sem Lindex var áður til húsa.
„Við erum mjög svo spennt fyrir opnun Kappahl á Selfossi og við vitum að verslunin mun bæta þjónustu í Árborg svo um munar. Kappahl er vandað og fallegt merki á góðu verði með fatnað á konur, karla og börn, svo að allir ættu að finna eitthvað við sitt hæfi.“
„Margir Íslendingar þekkja merkið af Norðurlöndunum, sem og Newbie, en það er barnafatamerki í eigu Kappahl og mun einnig fást í völdum Kappahl verslunum, þar á meðal á Selfossi. Fyrsta Kappahl verslunin opnar í Smáralind núna á laugardaginn og í kjölfarið fylgja svo sjö aðrar á næstu vikum, en verslunin á Selfossi verður ein sú stærsta og flottasta, og fólk má heldur betur leyfa sér að hlakka til.“
„Við hlökkum til að taka á móti kátum krökkum í bíó á sunnudaginn og svo öllum Sunnlendingum á opnunardegi Kappahl á Selfossi 21. mars. Fólk getur fólk skráð sig í Kappahl klúbbinn og fengið þannig 20% afslátt af fyrstu kaupum, afmælisgjafir og fríðindi, meðal annars gegnum punktasöfnun,“ segir Jóna Alla kát að lokum.
Kappahl opnar fyrstu tvær verslanir sínar á Íslandi næstkomandi laugardag, verslunin í Smáralind opnar kl. 12:00 og samhliða því verður netverslunin kappahl.is opnuð.
