„Þetta er viðamikil rannsókn sem mun veita upplýsingar um árangur meðferðar við kransæðasjúkdómi hér á landi og niðurstöðurnar verður hægt að bera saman við önnur lönd,“ segir Helga Rún Garðarsdóttir, læknanemi á fjórða ári við Háskóla Íslands.
Á dögunum hlaut Helga svokallaðan Go Red styrk en síðastliðið ár hefur hún unnið að rannsókn á meðferð kransæðasjúkdóms í konum á Íslandi undir leiðsögn Tómasar Guðbjörnssonar prófessors.
Go Red eru alþjóðleg samtök sem beita sér fyrir vitundarvakningu á hjarta- og æðasjúkdómum í konum.
Helga Rún er úr Austur-Landeyjunum, nánar tiltekið frá bænum Hólmi.
Sjá viðtal við Helgu Rún í páskablaði Sunnlenska