Í liðinni viku voru 95 kærðir fyrir að aka of hratt í umdæmi lögreglustjórans á Suðurlandi. Af þeim voru 24 stöðvaðir í sérstöku Öræfaeftirliti og 21 í sértöku Uppsveitaeftirliti í Árnessýslu.
Fjórtán voru kærðir af lögreglu í Vík, sex af lögreglu á Kirkjubæjarklaustri, ellefu af lögreglu á Hvolsvelli og þrettán af lögreglu á Selfossi. Þrír voru kærðir á Höfn og þrír voru kærðir af lögreglumönnum sem sinna sérstöku efitliti með ásþunga, merkingu og frágangi farms, brotum á reglum um aksturs- og hvíldartíma og rekstrarleyfum.
Tveir ökumenn voru kærðir vegna gruns um ölvun við akstur og var annar þeirra sviptur ökurétti til bráðabirgða en hann hafði, fyrr á sama sólarhring verið kærður fyrir að aka bifreið sinni með 153 km/klst hraða þar sem leyfður hámarkshraði er 90 km/klst.
Þá var einn ökumaður stöðvaður vegna gruns um akstur undir áhrifum fíkniefna.
Þetta kemur fram í dagbók lögreglunnar á Suðurlandi.