Á þessu ári hefur verið unnið mikið þróunarstarf í jurtastofu Sólheima í því sjónarmiði að framleiða lífrænt vottaðar snyrtivörur.
Fljótlega var sótt um vottun frá Vottunarstofunni Túni og er því takmarki nú loksins náð. Sala á varasalva er þegar hafin á almennum markaði og er komin heimild til að merkja hann með Tún merkinu.
Framleiðsla er einnig hafin fyrir verslunina Völu á Sólheimum á smyrslum, kremum, sjampói, nuddolíum, baðsöltum, handsápu o.fl. og verða þessar vörur settar á almennan markað um leið og gengið er frá vottun á hverri vörutegund.
Framundan er að skila inn umsóknum fyrir vottun á þeim plöntum sem vaxa í landi Sólheima og eru nýttar í snyrtivöruframleiðsluna. Enn fremur verða nýttar lífrænt vottaðar jurtir í snyrtivörurnar sem eru ræktaðar í Garðyrkjustöðinni Sunnu og Skógræktarstöðinni Ölri á Sólheimum.