Hin árlega Jónsmessuhátíð á Eyrarbakka fer fram á morgun, laugardaginn 24. júní.
„Hátíðin í ár byrjar á sýningu frá Latabæ og svo heldur fjörið áfram. Það sem er í boði eru hoppukastalar, andlitsmálning, hestvagnaferðir, þjóðdansafélagið með dans og margt fleira,“ segir Ragna Jónsdóttir, annar skipuleggjanda Jónsmessuhátíðarinnar, í samtali við sunnlenska.is.
„Samsöngurinn, sem er fastur liður hjá okkur verður í Húsinu kl 19:30 og í kjölfarið er svo brenna við bryggjuna og þar koma fram Andri eldgleypir og Ingvar trúbator. Svo heldur fjörið áfram á Rauða húsinu fram á nótt,“ bætir Ragna við.
Hægt er að sjá dagskrá hátíðarinnar í heild sinni hér.