Jón Bjarnason, oddviti og bóndi, skipar efsta sætið á D-lista sjálfstæðismanna og óháðra í Hrunamannahreppi. Aldís Hafsteinsdóttir, núverandi sveitarstjóri, er sveitarstjóraefni listans.
Bjarney Vignisdóttir, hjúkrunarfræðingur, skipar áfram 2. sæti listans en Herbert Hauksson, forstjóri, sem skipaði 3. sætið í síðustu kosningum hyggst hætta í sveitarstjórn og skipar hann heiðurssæti listans.
„Undanfarið kjörtímabil hefur sveitarfélagið vaxið og eflst til muna. Þjónusta hefur tekið stakkaskiptum og íbúum fjölgað. Mikil uppbygging hefur átt sér stað í Hrunamannahreppi, bæði í þéttbýlinu á Flúðum sem og í dreifbýlinu. Með bættri þjónustu og öflugu atvinnulífi mun Hrunamannahreppur halda áfram á réttri leið og þróast í takt við samfélagið,“ segir í tilkynningu frá framboðinu. „Á næstu vikum verður unnið í málefnastarfi og munum við bjóða íbúum til fundar til að marka okkur góða stefnu til framtíðar.“
D-listinn er þannig skipaður:
1. Jón Bjarnason, oddviti og bóndi
2. Bjarney Vignisdóttir, hjúkrunarfræðingur
3. Ragnar Lúðvík Jónsson, ferðaþjónusta
4. Katrín Þorvaldsdóttir, leik- og grunnskólakennari
5. Bjarni Arnar Hjaltason, starfsmaður umhverfis og tæknisviðs Uppsveita
6. Elísabet Finnbjörnsdóttir, bílstjóri
7. Zuzanna Szczygiel, starfsmaður í verslun
8. María Magnúsdóttir, verslunarstjóri
9. Elvar Harðarson, verktaki
10. Herbert Hauksson, forstjóri og sveitarstjórnarmaður
Aldís Hafsteinsdóttir, núverandi sveitarstjóri, mun starfa áfram hljóti listinn kosningu.