![Jólasveinar á Selfossi](https://www.sunnlenska.is/wp-content/uploads/2020/01/Jólasveinar-á-Selfossi-696x451.jpg)
Selfyssingar og nærsveitungar kvöddu jólin með glæsilegri þrettándagleði í kvöld. Hátíðin fór fram í kulda og blíðu og viðraði vel til brennuhalda og flugeldasýninga.
Farin var mjög fjölmenn blysför frá Tryggvaskála að brennustæði við tjaldstæði Gesthúsa þar sem kveikt var í þrettándabálkesti. Björgunarfélag Árborgar sá svo um glæsilega flugeldasýningu af Fjallinu eina.
Jólasveinarnir voru að sjálfsögðu á svæðinu ásamt álfum og tröllum og kvöddu þeir krakkana á Selfossi áður en haldið var til fjalla.