Jólatré komið á miðbæjartúnið

Jólatrjáhögg í Stóragerði 18. Ljósmynd/Guðrún Björk Benediktsdóttir

Eitt af árlegum jólaverkum áhaldahúsmanna á Hvolsvelli er að setja upp jólatré á miðbæjartúninu.

Í gærmorgun var komið að því að fella tréð en það voru þau Kristófer Pálsson og Svava Jensdóttir, Stóragerði 18, sem að gáfu myndarlegt tré úr garðinum sínum. Tréð var svo sett upp á miðbæjartúninu, milli Hvols og Landsbankans og sjá áhaldahúsmenn svo um að skreyta það jólaljósum.

Þar sem ekki er skynsamlegt að stefna saman hóp af fólki að þessu sinni verður ekki hátíðleg athöfn þegar kveikt er á ljósunum í ár en í frétt frá sveitarfélaginu segir að vonandi muni jólatréð gleðja íbúa og gesti sveitarfélagsins.

Tréð komið á sinn stað. Ljósmynd/Guðrún Björk Benediktsdóttir