Jólamarkaður MFÁ hefst á fimmtudaginn

Á jólamarkaðnum má finna fjölbreytt úrval handverks frá félagsmönnum MFÁ. Ljósmynd/Aðsend

Hinn árlegi jólamarkaður Myndlistarfélags Árnessýslu (MFÁ) hefst fimmtudaginn 19. nóvember. Þetta er í þriðja sinn sem félagið heldur jólamarkað.

Markaðurinn verður opinn frá klukkan 18 til 21, strax eftir að jólaljósin hafa verið tendruð í bænum. Markaðurinn er haldinn á vinnustofu félagsins í Sandvíkursetrinu á Selfossi. Gengið er inn á markaðinn í sundinu, beint á móti Sundhöll Selfoss.

Markaðurinn verður einnig opinn helgina 21.-22. nóvember frá klukkan 13-17.

Jólamarkaður MFÁ verður opinn í þrjá daga. Ljósmynd/Aðsend

Fjölbreytt list verður á boðstólnum frá félagsmönnum félagsins og geta allir fundið eitthvað við sitt hæfi og gert góð kaup.

Markaðurinn hefur slegið í gegn síðustu tvö árin og finnst fólki frábært að geta komið og fundið eitthvað í jólapakkann sérstaklega fyrir þau sem eiga allt eða er erfitt að finna eitthvað fyrir. Hægt verður að kaupa heitt kakó og kanilsnúða og átt góða samverustund undir ljúfri jólatónlist.

Á markaðnum má finna alls konar fallegt til að gefa þeim sem eiga allt í jólagjöf. Ljósmynd/Aðsend
Þetta er í þriðja sinn sem MFÁ heldur jólamarkað en markaðurinn hefur heldur betur slegið í gegn. Ljósmynd/Aðsend
Ljósmynd/Aðsend
Fyrri greinVOX hlýtur veglegan styrk