Klukkan 00:31 í nótt varð jarðskjálfti af stærðinni 3,6 skammt austan við við Eiturhól í Grímsnes- og Grafningshreppi, austast á Mosfellsheiði.
Þetta er stærsti skjálfti sem mælst hefur á svæðinu síðan í apríl 2021, þegar skjálfti einnig af stærð 3,6 mældist á svipuðum slóðum. Veðurstofu hafa ekki borist tilkynningar um að skjálftinn hafi fundist í byggð en nokkrir smærri eftirskjálftar hafa fylgt í kjölfarið.
Í tilkynningu frá náttúruvárvakt Veðurstofunnar segir að svæðið er þekkt jarðskjálftasvæði þó óalgengt sé að skjálftar þar mælist yfir einum að stærð.