Klukkan 20:18 í kvöld varð jarðskjálfti af stærðinni 3,0 austan Brennisteinsfjalla. Upptök skjálftans eru í Sveitarfélaginu Ölfusi, um rúmum 9 kílómetrum norðan við Hlíðarvatn.
Nokkrir minni eftirskjálftar hafa mælst. Jarðskjálftar eru algengir á þessu svæði en þetta er stærsti skjálfti sem hefur mælst á svæðinu síðan 18. ágúst 2025 en þá mældist skjálfti af stærðinni 3,8.
Veðurstofan hefur fengið ábendingar um að skjálftinn hafi fundist í byggð. Fyrstu tölur sögðu að skjálftinn hefði verið 3,4 en yfirfarin stærð er 3,0
