Um klukkan 23:08 í gærkvöldi urðu tveir jarðskjálftar af stærðinni 3,8 og 3,3 á Kaldadal, rétt norðvestan við Þórisjökul.
Þetta eru stærstu skjálftar sem mælst hafa á þessu svæði frá því í maí 2008. Veðurstofunni hafa borist tilkynningar um að skjálftarnir hafi fundist í Bláskógabyggð.
Eftirskjálftavirkni hefur fylgt skjálftunum, sá stærsti um 2,4 að stærð klukkan 23:38. Skjálftavirkni tók að aukast á svæðinu snemma í maí á þessu ári og hefur verið nokkuð stöðug síðan.
