Mælingar í Grímsvötnum benda til þess að íshellan sé farin að síga. Nú klukkan 14:30 sýndu óyfirfarnar GPS mælir Veðurstofunnar að íshellan hafi sigið um ca. 4 sentimetra síðan í morgun.
Þetta gæti verið vísbending um að Grímsvatnahlaup sé í vændum. Vísindaráð almannavarna mun funda um stöðuna síðar í dag og frekari upplýsinga er að vænta að loknum þeim fundi.
Dæmi eru um að eldgos verði í Grímsvötnum eftir að vatn hleypur þaðan. Talið er að skyndilegur þrýstiléttir vegna lækkandi vatnsborðs hleypi af stað gosum. Síðast varð atburðarásin slík árið 2004 og þar áður 1934 og 1922. Síðast gaus í Grímsvötnum 2011.
Þetta kemur fram í tilkynningu frá Veðurstofunni.