Brotist var inn í sumarbústað við Svínahlíð í Grafningi aðfaranótt síðastliðins föstudags. Þaðan var stolið sjónvarpi, fatnaði og áfengi. Ekki er vitað hver var þar á ferð.
Þá var maður staðinn að því að hnupla varningi í Shellskálanum á Stokkseyri í liðinni viku. Hann viðurkenndi brotið og var því lokið með sáttameðferð.
Þetta kemur fram í dagbók lögreglunnar á Selfossi.